Türkiyəyə məxsus F-16-lar Afrini bombalayır: Azad Suriya Ordusu Afrinə girdi

ABŞ-da minlərlə dövlət məmuru işsiz qala bilər​

Ermənistan ordusu Qazax rayonunun Qaymaqlı kəndini atəşə tutub

şənbə, 20 yanvar 2018
TR EN RU

Menu

şənbə, 20 yanvar 2018
EN TR RU

Yazarlar

Əli Çərkəzoğlu

"Vorzakon"lar niyə bu qədər sevilir?

06.12.2017 14:42

Bir qədər əvvəl xəbər portallarında qadın sənətçilərlə "yeraltı dünya"nın yaxın əlaqələrini göstərən siyahı yayılmışdı. Əslində o siyahı yeni bir şey deyildi, illərdən bəri eşitdiyimiz söz-söhbət idi. Cəmiyyətimizdə kriminal aləmə rəğbət inkar olunmur. Aparılan rəy sorğuları da bunu təsdiqləyir. Xüsusilə də Qoca ilə bağlı cərəyan edən son hadisələr, Fədayə ilə yaşadıqları eşq macəraları, bu xanım sənətçinin ölümü gözə alaraq Qoca üçün qatlandığı fədakarlıqlar az qala "Leyli-Məcnun" sevgisi qədər böyük rəğbət qazandı. Halbuki Qoca, yəni Etibar Məmmədov mövcud qanunvericiliklə cinayətkar hesab olunurdu. Əgər Fədayə Laçın Qocanın qaçmasına yardım edibsə, o da cinayətkardır, amma vəziyyətə baxın ki, ölkənin ən sanballı sənət adamları onun azad edilməsi üçün ölkə rəhbərinə müraciət imzalayıblar.

Səhv etmirəmsə, duayen deputatımız Fəzail Ağamalı da bir vaxt Rövşən Lənkəranski ilə yaxın münasibətlərindən, qohumluq əlaqələrindən danışmışdı. İndi də Lotu Qulinin "qohumları" analoji açıqlamalar verirlər. Nədir bu rəğbətin əsas səbəbi? Niyə polislə, məmurla yaxınlıq bu qədər cazibəli deyil?

Ətrafımıza, yaşadığımız şəhərə baxın. Hər gün neçə-neçə vətəndaşın evi başına uçurulur, dükan-bazarı dağıdılır, torpağı əlindən alınır. Hamısına da eyni səbəblər göstərilir, - qanunsuz tikilib, torpaq zəbt edilib. Hər kəs təsdiq edər ki, bu ölkədə hökumət adamlarının icazəsi olmadan daş üstünə daş qoymaq mümkün deyil. Hansı məhkəməyə gedirsən-get, hakimlər torpaq davası əlindən boğaza yığılıblar, şikayətçilərin də əksəriyyəti bələdiyyələrin aldatdığı adamlardır. Pulu alırlar, işi aşırmırlar; icazə verirlər, amma "tutulsan, mənlik deyil". Bilmirsən ki, üz-üzə oturduğun, dövlət adından danışan bu dəllalla hansı dildə danışasan. Vəzifəni bu gün satırlar, üç gündən sonra atırlar bayıra. Ona görə də əlinə fürsət düşən zalımın balası da işə verdiyini çıxarmaqla başlayır. Hər işin bir əxlaqı olmalıdır, hər hansı bir problem müəyyən qanunla həll edilməlidir. Bu məmurların "dini", "imanı" yoxdur ki, sən də məsələni hansı "şəriət"lə həll edəcəyini biləsən. Oğru dünyası isə nə qədər cinayət, haqsızlıq üzərində bərqərar olsa belə, məlum qanunlarla idarə olunur və qərar çıxaran xəta etdikdə bağışlanmır. Yaxşıdır, pisdir, bu başqa söhbətin mövzusudur, əsas olan odur ki, müəyyən qanunlar var və o qanunlar işləyir. Məhkəmələrin isə biri sənin xeyrinə qərar çıxarır, biri o biri tərəfin. Dava haqlı-haqsız davası olmur, güclü-gücsüz davası olur. Bir tərəfdən sən soyulursan, bir tərəfdən də qarşı tərəf. Məhkəmənin ədalətinə inanmayan vətəndaş "razborka"ya üz tutur.

Masallı Mamed, Sabirabadlı Hikmət, Rövşən Lənkəranski dünyadan köçmüş olsalar da, adları camaat arasında sevgi ilə, rəğbətlə çəkilir, amma adı çəkilən rayonların hüquq-mühafizə orqanları rəhbərlərinin adlarını sayın, əmin olun ki, ən yaxşı halda tanımayacaqlar, tanıyanların da əksəriyyəti ağız büzəcək.

Milli Təhlükəsizlik sistemi dövlətin namusudur, amma illər uzunu millətin bacarıqlı oğlanlarının boğazlandığı sallaqxana kimi işlədilib. Bu gün də o cinayətkarlar ona-buna hədə-qorxu gəlməkdən çəkinmirlər. Bu cinayətkar şəbəkənin başında dayanmış Mahmudovun isə həbs edilib-edilməyəcəyi hələ də sual altındadır.

Bu dəstəyə daxil olmuş hər kəs dövlətə xəyanət ittihamı ilə ən sərt şəkildə cəza almalıdır ki, adamlar ölkədə qanunun işlədiyinə inansınlar. Bu cür hallarla rastlaşanda ölkəmizdə ölüm hökmünün ləvğ edilməsini heç də doğru saymıram. Hər kəs bilir ki, pulun olandan sonra türmədə də bəy kimi yaşamaq və bir müddət sonra ölüm hökmünü də dəyişmək mümkündür.

Varlı məmurlardan birinin övladı "Galenvagen"lə qəza törədib Xalq artisti Ağasəlim Abdullayevin xanımını da, nəvəsini də öldürdü və bir neçə ildən sonar azadlığa buraxıldı. Mağazadan iki qutu siqaret oğurlayan birisinin ən azı 3-4 il məhbus həyatı yaşadığını və iki insanın canına qıymış bir qatilin türmədə o oğru qədər də oturmadığını görən bır gəncə gəl indi ədalətdən danış, gör sənə nə cavab verəcək.

Xəbər portallarının ən populyar mövzusu oğru dünyasıdır. Bu yazılar hansı məqsədlə yazılmasından asılı olmayaraq nəticə etibarı ilə reklama dönür. Kitablar yazılır, şeirlər həsr olunur "vorzakon"lar adına. Oturub düşünək ki, niyə belə olur axı? Vicdanla düşünə bilsək, gəldiyimiz nəticə də doğru olacaq, amma məsələ orasındadır ki, bir çox məsələdə biz heç vicdanla düşünmək də istəmirik.

Müəllifin fikirləri öz mövqeyini əks etdirir.

Oxundu: 367

  • "Vorzakon"lar niyə bu qədər sevilir?

    06.12.2017 14:42
    Nədir bu rəğbətin əsas səbəbi? Niyə polislə, məmurla yaxınlıq bu qədər cazibəli deyil?
  • Niyə Qarabağı ala bilmirik...

    11.11.2017 15:21
    Bu qeyrətləmi?
  • Velosipedə yol verin!

    19.05.2017 18:29
    Uşaqlığımın ən şirin arzularından biri, bəlkə də birincisi velosiped olub və mən o arzumə çox da tamarzı qalmamışam.
  • Sənə nə güc düşür, ay jurnalist?

    10.05.2017 20:01
    Jurnalist həyasızlığını çox görmüşdüm, amma bu sonuncu tamamən fərqli bir şeydir.
  • Sil gözün yaşın, dadaşım!

    10.05.2017 18:55
    Son günlər çox kövrəyəm, içimi kədər, hüzn elə doldurub ki, özümə yer tapa bilmirəm. Bəlkə də hər kəsdə olur belə hallar,
  • 14 yaşın dərdi

    02.05.2017 16:37
    Son vaxtlar xəbər portallarında hər gün orta hesabla 2-3 intihar xəbəri oxuyuruq.
  • Leninin ad günü

    15.04.2017 16:54
    70 il adına mədhiyyələr yazıldı, kitablar, kinolar həsr edildi, heykəlləri dikildi hər tində, hər küçənin başında, indi yada salanı da yoxdur, yada salanlar da
  • Nağıl kimi bir adam

    01.02.2017 17:50
    Bu yer üzündə fərqli bir rəng, fərqli bir səs, fərqli bir mənzərə idi. Elə bil, ömrü boyuncə kimsə ilə dava eləməmişdi, hərəkətlərindən danışıq tərzindən,
  • 20 yanvar yas deyil, dərsdir

    19.01.2017 15:48
    Hər dəfə 20 yanvarı düşünəndə böyük mütəfəkkir Mehmet Akif Ərsoyun bir beyti ağlıma gəlir:
  • Tövbə zamanıdır, Gülər xanım

    05.01.2017 17:42
    Haqsız danışmaqdan, könül qırmaqdan elə qorxuram ki...
  • Dediyinin hamısı o deputatın özüdür

    26.12.2016 16:39
     Milli Məclisdə Cəbrayıl rayonunu təmsil edən deputatın öz seçiciləri haqqında "azğın", "nəşəli", "sərxoş" deməsi, ailəsinin dolanışığını qazanmaq üçün
  • Dilənçilər və xlor satanlar girməsin

    14.12.2016 16:29
    Yaşadığım binada bloklərın girişinə xüsusi kilidlər quraşdırmağa başlayıblar.
  • Biz niyə əsa götürmürük?

    08.12.2016 18:32
    Dünən şəhərimizə qar yağdı, yollar buz bağladı.
  • Efirimizin öküz sevgisi

    30.11.2016 13:17
    Deyirlər ki, bir adamın çox əcaib istedadı varmış: 1 metrdən sapı necə atırmışsa, iynənin ulduzundan keçirirmiş. Çox keçmir ki, onun şöhrəti hər tərəfə
  • Nəyi, niyə və necə oxuyaq...

    29.11.2016 17:38
    Kimi dindirsən, kitab oxumağı məsləhət görəcək. Doğrudur, kitab oxumaq yaxşı şeydir,
  • Toy üçün musiqi

    29.11.2016 15:17
    Uşaq vaxtı kimdənsə eşitmişdim ki, dünya xalqlarının musiqisini sıralayıblar, birinci yeri İtaliya musiqisinə, ikinci yeri Hind musiqisinə, üçüncü yeri isə
  • Kövrəyəm, küskünəm

    24.11.2016 17:57
    Başqalarını bilmirəm, mən payızda yaman kövrəlirəm.
  • Hələ demədiyim bir sözüm qalır

    10.11.2016 16:46
    İnsan öz imkanlarını reallaşdıra bilməyəndə içindən qırılır.
  • Türkiyə saatını çaşıb

    09.11.2016 15:22
    Əgər xatırlayırsınızsa, yaxın keçmişə qədər Türkiyə saatı ilə Azərbaycan saatı arasında iki saat fərq vardı, yəni bizdə axşam saat 8 olanda qardaş ölkədə
  • Yeni Yasamalın köhnə dərdi

    02.11.2016 17:30
    Son günlərdə havalar bir xeyli yağmurlu keçsə də soyuq olmur və sən də evdən çıxanda avtobusa-zada minmək istəmirsən.
  • O arxivlər niyə açılmır?

    24.10.2016 16:12
    XX əsrin ikinci yarısında Azərbaycan ictimai hərəkatının mənim üçün ən dəyərli simalardan biri İsmixan Rəhimov olub.
  • Hər yer mətbəx, hər tərəf şou

    19.10.2016 12:07
    Azərbaycan efirini hələ bu qədər bayağı, bu qədər şit görməmişdim.
  • Bir körpə çarə gözləyir

    11.10.2016 16:36
    Bir neçə gün əvvəl efirdə gördüyüm bir süjetin ağırlığı hələ də üzərimdədir.
  • Nəticə çıxara bilsək...

    05.10.2016 11:45
    Hər gün Suriyada onlarla insan öldürülür.

© 2018 - NSPSOLUTIONS