Donald Tramp Ağ Evə daxil olub

Moskvada Avropanın ən hündür lifti işə salındı

Güləş Federasiyası da “Recep İvedik”ə etiraz etdi

Cümə, 20 yanvar 2017

Menu

Cümə, 20 yanvar 2017

Yazarlar

Əli Çərkəzoğlu

20 yanvar yas deyil, dərsdir

19.01.2017 15:48

Hər dəfə 20 yanvarı düşünəndə böyük mütəfəkkir Mehmet Akif Ərsoyun bir beyti ağlıma gəlir:

Tarixi təkərrür deyə tərif ediyorlar,

Heç ibrət alınsaydı, təkərrürmü olurdu?

Şair söyləyir ki, tarix təkrarlardan ibarətdir deyirlər, amma yaşananlardan ibrət alınsaydı, heç təkrarlar olardımı? Bu söz əslində bir reseptdir, bəlalardan qurtuluş yolunu göstərən rəhbərdir. Yaxın iki əsrə diqqətlə baxın, görəcəksiniz ki, biz eyni əllərdən eyni dəhşəti dönə-dönə yaşamışıq. Heç uzağa getməyək, bəlkə də indiki gənclik bilmir ki, Şəhidlər Xiyabanının yerində təxminən yüz il əvvəl eyni ünvandan gələn soyqırımı hadisəsi sonunda qətlə yetirilmiş soydaşlarımız dəfn olunmuşdu. Orada nəvələri babaların torpağına dəfn elədik. Erməni-rus birliyi bu coğrafiyada bizim varlığımızı heç zaman həzm edə bilməyib və bu gün də bizi buralardan süpürüb atmaq üçün əlverişli məqam gözləyirlər.

Bəzən seldən, zəlzələdən, leysandan, tufandan danışarkən fəlakət ifadəsi işlədilir. Tam yanlışdır, bunlar təbii hadisələrdir, fəlakət isə birbaşa insanla bağlı anlayışdır. Fəlakət cahillikdir, tarixdən dərs çıxarmamaq, dostu düşməndən ayıra bilməməkdir. Bir neçə dəfə yazdığım bir qənaəti burada bir daha təkrar eləmək istəyirəm: Əgər Qafqaz İslam Orduzu 1918-ci ildə bizim dadımıza yetişməsəydi, bu gün bu torpaqlarda bizim varlığımızdan söhbət gedə bilməzdi. O ordunun hər bir fərdi üçün dua eləmək özünü bu torpağın vətəndaşı bilən hər kəsin insanlıq borcudur. Kim nə deyir-desin, tariximizin ən parlaq zəfər 1918-ci ilin 15 sentyabrı, yəni Bakının erməni-rus vandallarından geri alınmasıdır.

Adı qara duman kimi uzun müddət Bakının qəsəbələrindən birinin üstünə çökmüş quldur Stepan Razinin bu torpağa ayağı dəyəndən bəri şimaldan üstümüzə hər zaman qara yellər əsib.

Ola bilsin ki, tarixin hansısa məqamında biz müəyyən səbəblər üzündən balanslaşdırılmış siyasət aparaq, amma kimin kim olduğunu heç zaman ağlımızdan çıxarmamalıyıq. Bu gün müstəqil dövlətimiz var, amma müstəqillik deyəndə ağlımıza ilk növbədə müharibə, qan gəlir. Niyə? - Çünki yenə eyni güclər bizim rahat yaşamağımızı, inkişaf edib dünya arenasına çıxmağımızı istəmirlər. Onun üçün də başımıza bu oyunları açırlar.

Səbir odur ki, hər işin zamanını bilirsən və hər işi öz zamanında görürsən. Ola bilsin ki, bu gün bizim üçün ən doğru seçim məqamı gözləməkdir, amma görüləcək çox işlər var. Ölkənin inkişafı, ədalət prinsipinin hakim hala gətirilməsi bu gün ən böyük vəzifəmizdir. Əgər sabah biz müharibə meydanında ermənini məğlub eləmək istəyiriksə, gərək bu gün bu millətin sərvətini talayıb xaricə qaçıran bankirlərin, məmurların, iş görən oğullarımıza zülm edib onları vətəndən didərgin salan MTN cəlladlarının cəzası verilsin, xalqın haqqı özünə qaytarılsın. Xalq ədalət istəyir, ədalət xalq üçün gücdür, rifahdır, sevgidir. Xalqın da, dövlətin də gücü onun ədalətindədir. Kim xalqın önünə ədaləti gətirıbsə, xalq onu sevib, dəstəkləyib. Əgər bu gün Şəhidlər xiyabanını dəstə-dəstə ziyarət edən şagirdlərimiz orada fərqli bir duyğu yaşayıb, məktəbdə, real həyatda rüşvətin, yalanın gücünə boyun əyəcəklərsə, onda nə vətəndən danışmağa dəyər, nə vətənpərvərlikdən. Vətənpərvərlik tərbiyəsinin mayasında ədalət olmalıdır, yoxdursa, nə desən, hamısı yalandır. Köhnə kişilər deyiblər ki, dövlətin başqa dini olmaz, dövlətin dini ədalətdir. Yəni ədaləti olmayan dövlətin heç dini də yoxdur.

Yenə 20 yanvar atmosferindəyik. Bu tarix bizim milli dərdimiz, həm də milli dərsimizdir. 20 Yanvar bir ilin, bir ayın, bir günün hadisəsi deyil, böyük bir tarixin ortaya qoyduğu reallıqdır, həqiqətdir. 100 il əvvə Nikolayı düşmən tuturduq, 27 il əvvəl Qorbaçovu. Heç fərqi yoxdur, Nükolay elə Qorabaçovdur, Qorbaçov da özündən sonra gələn hansısa İvan. Məsələ ondadır ki, biz öz xətalarımıza baxmalı, yaşanmış tarixdən dərs almalıyıq ki, daha bir 20 yanvar yaşamayaq.

Oxundu: 23

  • 20 yanvar yas deyil, dərsdir

    19.01.2017 15:48
    Hər dəfə 20 yanvarı düşünəndə böyük mütəfəkkir Mehmet Akif Ərsoyun bir beyti ağlıma gəlir:
  • Tövbə zamanıdır, Gülər xanım

    05.01.2017 17:42
    Haqsız danışmaqdan, könül qırmaqdan elə qorxuram ki...
  • Dediyinin hamısı o deputatın özüdür

    26.12.2016 16:39
     Milli Məclisdə Cəbrayıl rayonunu təmsil edən deputatın öz seçiciləri haqqında "azğın", "nəşəli", "sərxoş" deməsi, ailəsinin dolanışığını qazanmaq üçün
  • Dilənçilər və xlor satanlar girməsin

    14.12.2016 16:29
    Yaşadığım binada bloklərın girişinə xüsusi kilidlər quraşdırmağa başlayıblar.
  • Biz niyə əsa götürmürük?

    08.12.2016 18:32
    Dünən şəhərimizə qar yağdı, yollar buz bağladı.
  • Efirimizin öküz sevgisi

    30.11.2016 13:17
    Deyirlər ki, bir adamın çox əcaib istedadı varmış: 1 metrdən sapı necə atırmışsa, iynənin ulduzundan keçirirmiş. Çox keçmir ki, onun şöhrəti hər tərəfə
  • Nəyi, niyə və necə oxuyaq...

    29.11.2016 17:38
    Kimi dindirsən, kitab oxumağı məsləhət görəcək. Doğrudur, kitab oxumaq yaxşı şeydir,
  • Toy üçün musiqi

    29.11.2016 15:17
    Uşaq vaxtı kimdənsə eşitmişdim ki, dünya xalqlarının musiqisini sıralayıblar, birinci yeri İtaliya musiqisinə, ikinci yeri Hind musiqisinə, üçüncü yeri isə
  • Kövrəyəm, küskünəm

    24.11.2016 17:57
    Başqalarını bilmirəm, mən payızda yaman kövrəlirəm.
  • Hələ demədiyim bir sözüm qalır

    10.11.2016 16:46
    İnsan öz imkanlarını reallaşdıra bilməyəndə içindən qırılır.
  • Türkiyə saatını çaşıb

    09.11.2016 15:22
    Əgər xatırlayırsınızsa, yaxın keçmişə qədər Türkiyə saatı ilə Azərbaycan saatı arasında iki saat fərq vardı, yəni bizdə axşam saat 8 olanda qardaş ölkədə
  • Yeni Yasamalın köhnə dərdi

    02.11.2016 17:30
    Son günlərdə havalar bir xeyli yağmurlu keçsə də soyuq olmur və sən də evdən çıxanda avtobusa-zada minmək istəmirsən.
  • O arxivlər niyə açılmır?

    24.10.2016 16:12
    XX əsrin ikinci yarısında Azərbaycan ictimai hərəkatının mənim üçün ən dəyərli simalardan biri İsmixan Rəhimov olub.
  • Hər yer mətbəx, hər tərəf şou

    19.10.2016 12:07
    Azərbaycan efirini hələ bu qədər bayağı, bu qədər şit görməmişdim.
  • Bir körpə çarə gözləyir

    11.10.2016 16:36
    Bir neçə gün əvvəl efirdə gördüyüm bir süjetin ağırlığı hələ də üzərimdədir.
  • Nəticə çıxara bilsək...

    05.10.2016 11:45
    Hər gün Suriyada onlarla insan öldürülür.

© 2017 - NSPSOLUTIONS